Agi
dunggai-dunggai sura nyawa tubuh besai
Aku ngading
orang di Panggau Ragai
Bintih Selanggai
Kempat Tiang
Agi
rangau-rangau sura nyawa tubuh mipau
Aku nading orang
di Panggau Libau
Lendat Dibiau
Daun Isang
Udah ngenang
pengawa
Kumang ke
beranak timpang ketegal upang puni sera
Diatu kitai deka
ngenang pengawa
Bungai Nuing
seduai Pungga
Ke deka ngambi
kayu api
Matahari pagi
benung beseri tengan niki
Bala burung
richah rami belagu sambil bebuti
Gaga kenu sida diau
dia nyambut penatai pagi hari
Ambun ti lekat
di daun baru belabuh deka rangkai
Angin pagi
betiup belubah-lubah deka rangkai
Angin pagi etiup
belubah-lubah serunyut landai
Daun kayu gaga
betegu enggau pangan diri
Bungai ke benung
ngerembai
Betekepai nyapa
pangan diri
Ngenangka Bungai
Nuing seduai Pungga
Maya nya benung
bejalai seduai betunda udi
Benung ba rantu
jalai mansang nuju kampong
Ti enda jauh ari
ulu rumah panjai sida
Deka ngambi kayu
api ku ati seduai
Dalam kampong
nya
Pengelantang ati
seduai berupai bendar nyata
Di rantu jalai
nyau berauh mih kampong
Laban sada nyawa
seduai beramban
Batang aih ku
enda wa
Aih batang nya
ku enda wa
Udu
pemerinsa-rinsa
Kami indu
tinggal di menua
Tinggal laki
kami pegi
Kami nadai orang
nulung gawa
Makai kami nadai
belauk
Kami nadai orang
nulung nyabak
Kami ngendiau
Kediri aja
Tang lebih agi
ari nya
Kami merinsa
nadai ambai ngimbai
Nya mih kenu
munyi leka ramban seduai
Didinga orang ti
turun entudi seduai
Pulau kampong
endur seduai iya ngambi kayu api
Dikumbai orang
dia Pulau Kampung Mali
Pulau nya enda
jauh ari rumah panjai orang di Panggau
Libau Lendat
Dibiau Daun Isang
Pulau jelan
pemesai diuan mayuh macam
Bansa burung
enggau jelu
Datai di tisi
rapi pulau nya
Dia Bungai Nuing
seduai Pungga lalu bebai ngetu
Ditu tua ngiga
kayu buat ngulih ka nyamai
Enda bangat jauh
ngangkut iya lagi
Ku Bungai Nuing
madahka Pungga
Udah belelak nya
baru seduai lalu sama
Bela milih
batang kayu manah diambi ke kayu
Kampung nya kayu
ke besai-besai
Nadai
kalat-kalat mih seduai milih kayu
Kayu ga ending
mayuh
Nya alai
sama-sama mih seduai
Bela nengali
nebang kayu mengilas sepun siku
Udah ditebang
lalu dilumpung sereta diangkut
Lumpung kayu nya
ngagai tisi jalai
Kayu udah abis
lumpung, ditugungka di tisi jalai
Nya baru seduai
lalu bebai ngetu belelak
Lalu nginsap meh
seduai beranggap di pun rang
Lalu makai
pinang meh seduai buat di rampang
Maya ke ngetu
belelak nya
Dia Bungai Nuing
madahka diri asaika bisi ninga
Munyi sangap
anak mit nyabak
Nama utai ke
bemunyi nya buat
Enti enda salah
dinga aku
Tak munyi anak
mit nyabak mih nya pia ku iya
Eh, pending dik
tak lansik endar buat
Kada enda munyi
burung nya
Sapa orang ke
bangat bebaika anak mit
Kitu maya diatu
hari
Pia ku Pungga
Eh enda patut
pending ku salah dinga buat
Uji anang inggar
tua
Aram sama bela
mendingka munyi utai nya
Pia ku Bungai
Nuing madahka Pungga
Seduai pan
sama-sama diau jenuh
Ati seduai sama
bela naka pengagit-ngagit
Laban deka nentu
ke bemunyi utai nya tadi
Munyi sabak nya
nyau mansang inggar-seinggar
Nya iya buat
munyi anak mit nyabak mih nya
Enti pia aram
meh tua ngiga tubuh utai nya
Deka meda iya
pia ku Pungga
Aram mih buat
timbale Bungai Nuing
Seduai pan
belabuh ngiga anak mit ke nyabak
Utai ke bebunyi
nya munyi ke besaut-saut
Laban penginggar
iya ke jempulak ari lubang batu
Seduai ke ngiga
utai ke bebunyi nyau rawan ati
Ama mansang ama
Surut mih seduai
ke bejalai
Nuju siti lubang
batu ti jelan pemesai di endur nya
Lebuh nilik utai
ke bebunyi di lubang batu nya
Jari seduai
kinding-kinding nyandang beliung
Enti utai tak
negah pansut ari ai lubang batu nya
Rari enggau enda
pan tentu mih mata beliung nya
Udah terujam ba
kerubung pala utai ke ngagai
Nya meh runding
seduai
Maya seduai nyau
datai semak lubang batu
Utai ke memunyi
nyau mansang enda inggar
Bungai Nuing
nilik utai ke bebunyi nya
Meda utai ke nya
bebungkus ngena pua kumbu
Nya iya buat pia
ku Bungai Nuing
Lapa dih angkat
ka dia mih saut Pungga
Is…geli ati aku
meda utai bakanya
Dik ngangkat ka
iya buat pia ku Bungai Nuing
Indah tua ke
ngelaban munsuh dih buat
Munsuh lain tu
lain buat
Timbale Bungai
Nuing
Meda Bungai
Nuing tak kakang-kakang
Pungga mansang
ngangkatka utai ti kebul-kebul
Bebungkus pua
kumbu nya tadi
Sereta seduai
iya muka bungkus utai nya tadi
Nyampau mih
pemalat ati seduai tekenyit
Gamal anak mit
ke nyabak nya udu penyai-nyai
Mata iya melut
Pala iya dua
tiga lipat lebih besai agi ari tubuh iya
Kaki enggau jari
iya sama bela pandak
Apo buat patut
orang muai anak mit tu
Bangat jai amat
gamal tu pia ku Pungga
Jai pan enda mih
mensia tau ditempayaka ngapa
Bangat nadai
pengasih mimit-mimit mih orang tu
Sapa kini ngempu
anak tu pia ku Bungai Nuing
Nah kati ku tua
enggau nya dih buat
Nadai mayuh
macham mih nya buat
Tak bai nya ulih
tua
Kati ku tua
bangat ngayahka mensia baka nya
Pia ku Bungai
Nuing bejaku enggau Pungga
As tusah amat
laban nya buat
Enti nya ukai
anak mensia
Tak enggai
sekali-kali aku dibai kiruh
Laban utai ke
ngenyai nya
Tang tu mar
endar tak mensia timbale Pungga
Dik nyandik iya
buat pia ku Bungai Nuing
Es… enggai nyadi
pia buat
Dik dulu nemu
iya tadi dik mih nyandik iya
Lalu itungka
nyadi apai ambu iya pia ku Pungga
Barang iya mih
buat saut Bungai Nuing
Semadi mih tudah
tuai nyanggup deka nyandik
Lebuh diangkatka
Bungai Nuing
Dia anak mit nya
tadi lalu ketawa lelekik
Dik anang kemi
anang bira ba sandik aku dom
Enggaika dik aku
tempulang ke babas lagi
Pia ku Bungai
Nuing bejaku tundi
Bungai Nuing
seduai Pungga pan
lalu sama bela
enda nyadi mai kayu api
laban seduai
nyau kiruh laban anak mit nya
Bungai Nuing
nyandik anak mit nya
Pungga mai
pekakas ti dikena seduai kereja
Sereta lalu
megai bungkus utai ke bisi diberi
Orang ke empu
anak nya, ngagai anak iya
Kati meh tua
enggau nembiak tu lebuh datai di rumah din lagi buat ku Pungga
Entah meh buat
Enti nitihka
penemu aku datai tua din lagi
Sadung tua anak
mit tu ngagai indu kitai serumah
Enti orang tak
nadai deka empu iya
Deka pan tua
enda besaup ngidupka iya
Pia ku Bungai
Nuing mantaika penemu
As tussah amat
laban anak mit tu buat
Tua tu sama bela
agi bujang
Nambahka nya tua
mega sama bela enda kala
Ngibun anak mit
pia ku Pungga
Pelaba aku buat
nadai guna ngenusahka ati diri
Di tanah ditu
ketegal berundingka anak mit tu
Udah tua nemu
orang nadai deka empu anak mit tu di rumah din lagi
Nya baru tua tau
irau ati pia ku Bungai Nuing
Datai seduai di
rumah panjai sida
Disadung seduai
anak nya di sekayu-kayu rumah
Seduai nguji
ngiga orang ke empu anak mit nya
Udah apus rumah
nadai siku orang deka ngempu anak mit nya
Seduai mai anak
mit nya pulai ngagai bilik sida Bungai Nuing empu
Bugai Nuing
nanya indai iya sekalika iya deka ngempu sereta ngibun anak mit nya
Aku enda seduai
kiruh
Enggai aku
ngidupka utai bakanya
Nya munyi penemu
sida indai buat
Bah kati ku tua
enggau anak mit tu
Pia ku Bungai
Nuing nanya Pungga
Enti baka utai
ngapa udah chemebur tu aku tempalung ke ujung tanju buat
Nadai aku deka
ngiruh diri ketegal utai baka tu
Tang tu mar amat
tak anak mensia
Semina gamal nya
aja meh timpang
Ari paras enggi
kitai mayuh tu
Nya alai tak
idupka tua mih tu buat
Ni tua nemu
nasit iya dudi hari
Enti sema iya
tak lalu enda tau nyadi menyana
Itah ke diasuh
tua ngaru belakang gatal
Diasuh jaga umai
aja ga
Jaga kebun ke
bisi dikachau utai pan pama mih
Mesa ni ga tua
nyangkung nya pemakai
Nya penemu
Bungai Nuing
Au enti pia
gagaka tua sarang ba kaki padung peninduk dik nya meh tu buat
Maya iya lapar,
besaup mega tua meri iya makai
Itungka temuai
tua mih iya tu pia ku Pungga
Ukai semina meri
iya makai aja mih buat
Masu kemi masu
tai iya anang ngelakka aku aja
Temuai tua tu
deka tusah-tusah mimit
Laban iya tak
bangat agi mirah chechinang
Bedau nemu utai
pia ku Bungai Nuing
Penemu dik nya
sigi utai ke manah buat
Kati ku tua
patut ngangauka iya tu
Tanya Bungai
Nuing ngagai Pungga
Sebarang nama ke
patut ku ati nuan meh buat
Nuan landik agi
ngaga nama ke setipak enggau pendiau iya tu pia ku Pungga
Au enti dik
ngasuh aku ngaga nama ke iya tu
Badas beri nama
Ayor iya tu buat
Nama penuh iya
tau dikangauka tua Ayor Pengukur Mata Limbi Ampa Jawa Setangga Tali
Ngangkatka nama
niang aki kami kelia ku Nuing
Au ngena ga
munyi nama nya dinga aku buat
Setipak endar
enggau anak pendiau iya tu
Sekumbang seduai
ke berandau dia
Anak mit nya tak
digaringka seduai ngapa
Di tengah ruai
bilik Bungai Nuing
Tikai ti endur
iya gali nya udu pengasar-ngasar
Tang mih anak
mit nya tak diau jenuh
Iya enda nyabak
Kaki dipaut iya
Lalu ujung
tunjuk indu kaki di-insap iya
Nyau kecup-kecup
mih tudah tuai
Munyi ke ngecup
mulut tusu indai iya empu
Nyau begilik
kiba begilik kanan mih tudah tuai
Laban nadai
ditikung Bungai Nuing ngena panggal
Berengkah ari sehari
nya
Ayor mih nama
anak mit nya tadi
Dikangauka
Bungai Nuing seduai Pungga
Seduai iya sama
bela besaup
Ngupas kaki
padung peninduk Bungai Nuing
Udah tembu
dikupas sereta diancau tikai selap
Lalu digalika
seduai dia mih tudah Ayor
Tembu nyendiaka
peninduk anak mit nya
Bungai Nuing
lalu tama ke bilik
Datai di bilik
meda indai iya benung nyumai asi
Dikauk Bungai
Nuing ai asi nya tadi
Lalu digulai iya
ngena garam mimit
Ai asi nya
dikena iya nyapi tudah Ayor
Lebuh diberi
seduai iya makai
Dia Ayor nyau
baka orang ke udah lapar setaun
Semua ai asi ke
diberi Bungai Nuing
Tak abis ditelan
iya magang-magang
Lebuh udah
diberi seduai makai
Nyau segala baka
ke tau endur ngelam kutu
Mih perut tudah
Ayor laban kenyang
Udah iya makai
Pungga nempik-nempik burit iya
Ngambika iya
tinduk
Lalu pejam mega
mata tudah Ayor
Tubuh iya lalu
dibap Pungga ngena pua
Pia ati pedis
ketegal pengiruh
Pia bisi ga
seduai pengasih ka tudah Ayor
Lebuh Ayor nyau
jenak tinduk
Seduai bebai
mandi ke sungai
Padung peninduk
ti endur seduai engkah Ayor
Lalu ditambit
seduai rapit-rapit
Kebuah seduai
nambit padung nya
Enggaika tudah
Ayor tak tedani lalu ngerayap
Enti iya
ngerayap keluar
Entu iya tau
labuh ke baruh
Lama mega seduai
iya ke mandi
Seduai ga nyau
rindang berandauka jalai
Bakani tau ngidupka
tudah Ayor
Lebuh Bungai
Nuing udah pulai mandi
Iya begaut muka
pintu padung peninduk iya
Laban deka
begari
Sereta pintu nya
tebuka
Nyau melut meh
mata tudah Bungai Nuing
Meda tikai pua
panggal enggau kibung diri
Nyau melutak
laban kemi enggau tai cirit Ayor
Tudah Ayor nyau
dugau-dugau numpi tai diri
Lebuh meda
Bungai Nuing, Iya lalu ketawa
Tubuh iya nyau
baka ke udah dipukung
Ngena tanah
lucak dibalut tai
Jari iya ke
penuh laban tai
Nyau
ramang-ramang deka merap Bungai Nuing
Apo buat as tu
nadai penyadi-nyadi aku dikeduan Ayor bangat bakatu
Abis sekali-kali
peninduk aku tu kamah
Laban tai enggau
kemi iya tu
As apai enti
baka utai ngapa
Udah meh dek tu
aku kait ke umpan sempekang baya pia ku iya mutap
Lalu besaup meh
seduai iya Pungga masu gari sereta nuci pengamah
Ba padung
peninduk Bungai Nuing
Tai nya enda
nemu tunga pemau-mau
Nyau bepampul
idung
Nyau kecul-kecul
mih seduai ngeludah
Sekumbang ke
nuci padung nya
Orang bukai enda
ibuhka pengawa seduai
Dalam ati din
nyampau pengeli sida
Tang enda berani
ketawa inggar
Laban takut ke dilut
Bungai Nuing enggau tai
Nyau nguing ke
teluk dinding mih sida ketawa
Hari udah malam
Udah makai lemai
udah indah
Nyau belelak meh
orang
Sebarang ke bisi
pengawa dikereja
Nyau betekiruk
mih orang ngereja pengawa
Sebarang ke
nadai pengawa nyau bekedugau mih bala sida nunga pangan diri
Bungai Nuing
laban ke nyadi indai orang
Kiruh mega tudah
tuai nyaga Ayor
Nyau jauh malam
nyau tinduk mih orang mayuh
Kemunok mandau
ini
Mejamka melanjan
mansau sehari
Ba pun lemai
Ayor kira bendar
Iya nadai
berengu
Nadai nyabak
Tang lebuh orang
mayuh benung jenak tinduk
Dia iya lalu
belabuh meradakka nyawa
Nyabak nakaiya
penginggar-nginggar
Bungai Nuing
nguji ngendiauka iya
Disandik tudah
tuai kin-kitu
Disapi iya makai
ngica badu makai
Tang Ayor tak
enda tau ngetu-ngetu nyabak
Iya nyabak
semalam-malam dataika hari siang
Tang lebuh hari
udah tawas
Tau badu ga iya
nyabak
Lalu sepemanjai
hari nya
Nyampau ga
pengerindang-rindang Ayor
Bungai Nuing
seduai Pungga besilih-silih
Ngibun Ayor di
rumah lebuh siang hari
Entu lebuh
Bungai Nuing bekereja
Pungga ga
beribun di rumah
Enti lebuh
Pungga bekereja
Bungai Nuing ga
beribun di rumah
Malam datai baru
Ba pun lemai
enda ngaga perangai ga Ayor
Iya diau jenoh
Iya berupai kira
Iya enda nyabak
Iya enda manja
Tang lebuh orang
pemadu begunaka penyunyi
Benung mimpi ke
pemadu nyadi
Nyerarat baru ga
Ayor
Iya nyau munyi
ke digetil
Baka malam ke
dulu mega
Tudah Bungai
Nuing seduai Pungga
Ngendiauka iya
enggau macam cara
Tang Ayor ending
tak enda ulih kendiau
Iya nyabak
semalam-malam datai ke tawas
Orang didinga
bekemengut bejaku bejai Ayor
Ransi meh orang
ensepi diri udu pemuntau-muntau
Laban penginggar
nyawa Ayor
Nyabak tiap-tiap
malam
Nyau pesuk mih
tansang jaku jai orang mayuh
Kembung-kempis
mih kuyu sida ke ngumba agi
Ngesuhka jaku
jai ti ngangatka lubang pending
Ukai anak diibun
anak ke ngenengik nya
Orang abis enda
ulih tinduk jenak
Kada enda anak
Antu Koklir nya kini
Enti anak mensia
kati bangat enggai di-aum
Nya meh munyi
pengasar jaku orang mayuh
Bungai Nuing tu
sigi orang ke beberita lengkar
Lalu enda liat
ati ninga jaku ransi orang
Tang ke sekali
tu iya enda berengu
Iya nadai nimbal
jaku orang
Tudah Pungga
mega sama bela enda bemunyi
Tang taja pan
seduai enda bejaku
Dalam ati din
seduai sigi selalu berundingka
Pemesai rampa
empa jaku orang nya
Hari siti Bungai
Nuing seduai Pungga
Ngaga langkau
pelabuh siti di kaki tangga
Udah tembu
pelabuh digaga
Seduai lalu
mindahka Ayor kia
Lebuh malam hari
besilih-silih meh seduai
Ngibun Ayor di
pelabuh nya
Lebuh siang hari
sepenau Ayor meh diau Kediri-diri
Tinggal Bungai
Nuing seduai Pungga nurun kereja
Tang sekumbang
iya udah dipindahka kia
Ayor lalu badu
tengik
Siang enggau
malam iya tak jenuh
Iya nadai
berengu
Iya nadai nyabak
Lebuh Bungai
Nuing seduai Pungga nadai di rumah
Kadang-kadang
bisi ga indai orang
Ke mansang
nganjung anak iya mandi
Kasihka Ayor
sida niki ke langkau nya
Lalu ngarau
nusuka tudah Ayor
Nyau encherindak
baka mulut lintah kerebau
mih mulut tudah
Ayor ngunyut mulut tusu orang
Nyampau pemanis
mih ai tusu nya disepi iya
Semadi perut iya
nyau segala baka ke deka meletup
Nya baru iya
ngelengkaka mulut tusu orang
Nya meh gaya
pendiau tudah tuai
Ba hari-hari ti
nangkan nya
